احب الغرور وخص لا جا على المملوح
يجي له طعم ثاني وانا الي مجربها
انا لي حبيب من غروره شبعت جروح
وعشقت الجروح الي غروره سبايبها
احبه ولع ويحق له الدلع مسموح
شياطين نفسي جابها الله يادبها
انا لي عيونن قبل اعرفه تبوق شبوح
ومن عقب عرفه وانابني قمت اعذربها
فضحني ذبحني والغلا صاحبه مفضوح
تغط الوله عيني وقلبي يكذبها
بغيت اتغلا كل ما اقبل علي اروح
اباخذ ثقل دعواه ماني مخربها
عرف لي وصد كنه لاجت له الروح
ومن ابطى غيابه لمت نفسي واحاسبها
وتنكست له تنكيس خرشه جذبها اللوح
حداها العشا والورع الاقشر يلاعبها
سقا الله زمان فيه كان الخطا مدموح
وذيك القصايد مالها من يراقبها
اذا جيت ابكتب انطلق في حدود البوح
ولي نفس كان الصدق دايم يناسبها
هلا بالحبيب الي غروره معي بوضوح
هلا به ونفسي كنه الي يداعبها
يقولون واسمع بالموسيقى غذاء الروح
واقول المحبه وش اسمها يا مجربها
الشاعر:حمد السعيد
يجي له طعم ثاني وانا الي مجربها
انا لي حبيب من غروره شبعت جروح
وعشقت الجروح الي غروره سبايبها
احبه ولع ويحق له الدلع مسموح
شياطين نفسي جابها الله يادبها
انا لي عيونن قبل اعرفه تبوق شبوح
ومن عقب عرفه وانابني قمت اعذربها
فضحني ذبحني والغلا صاحبه مفضوح
تغط الوله عيني وقلبي يكذبها
بغيت اتغلا كل ما اقبل علي اروح
اباخذ ثقل دعواه ماني مخربها
عرف لي وصد كنه لاجت له الروح
ومن ابطى غيابه لمت نفسي واحاسبها
وتنكست له تنكيس خرشه جذبها اللوح
حداها العشا والورع الاقشر يلاعبها
سقا الله زمان فيه كان الخطا مدموح
وذيك القصايد مالها من يراقبها
اذا جيت ابكتب انطلق في حدود البوح
ولي نفس كان الصدق دايم يناسبها
هلا بالحبيب الي غروره معي بوضوح
هلا به ونفسي كنه الي يداعبها
يقولون واسمع بالموسيقى غذاء الروح
واقول المحبه وش اسمها يا مجربها
الشاعر:حمد السعيد